Biyaheng Corregidor

MARCH 13, 2010

Para sa akin, ito ang una sa mga pinakamasayang araw ko ngayong 2010. Masaya kasi nakarating ako sa isang makasaysayang lugar sa Pilipinas: ang Isla ng Corregidor. Matatagpuan ito sa Manila Bay at ito ay may mahalagang papel sa kasaysayan ng ating bansa. Ito ay nagsisilbi bilang "bantay" sa Manila Bay kung mayroon mang mga dayuhan na sasalakay sa ating bansa. Noong panahon ng Hapones, nagsilbi itong lugar kung saan inilipat ang pamahalaang Commonwealth at base ng mga sundalong Amerikano at Pilipino at noong bumagsak ito noong May 6, 1942, ito din ang naging hudyat na ang buong Pilipinas ay nasakop ng mga Hapones. Ngayon, ito ay isang tourist spot na dinarayo ng mga turista mula sa ibang bansa at maging ng mga kapwa nating Pilipino.

Dito sa biyaheng ito unang beses akong nakasakay sa isang sasakyang pandagat, sa isang ferry kung saan ihahatid kami sa Isla ng Corregidor. Marami din akong natutuhan sa biyaheng ito tungkol sa kasaysayan ng ating bansa. Marami rin akong mga lugar na napuntahan na dati ko lang nakikita sa mga libro at napapanood sa telebisyon. Nakarating na ako sa mga lugar na ito ng personal at marami pa akong natutunan sa biyaheng ito. Ito ay masasabi kong biyahe na puno ng saya, aral, at misteryo sa mga lugar na napuntahan namin sa isla.

Balik Tanaw: Ang Aking Pananaw noong Eleksyon 2007

One week after the election may na-receive akong isang text message tungkol sa eleksyon. Isa siyang joke na nakakatawa pero nang-aasar:

HEADLINES: PICHAY pinulot sa KANGKUNGAN

CHAVIT sumaVit SOTTO na-BULAGA

PACQUIAO Knocked-OUT ORETA nag-boom-tarat-tarat

MONTANO na-outSHINE GOMA na-FLAT

AYOS!!!

Ano nga ba ang nangyari pagkatapos ng eleksyon? Siyempre pagkatapos bumoto ng taong-bayan kung sino ang nararapat na mamuno sa bayan at tutugon sa mga problema at pangangailangan ng tao. Siyempre masaya para sa mga nanalo at para sa mga natalo, “mixed emotions eh!”. Balikan nga natin kung ano mga nangyari at isyu before and after the elections.

Di man lang nakasama sa official list. Bago mag-eleksyon, dadaan muna sa isang proseso ng pagpili ng mga nararapat na kandidato (parang screening at auditions). Siyempre hindi naman lahat makakapasok. Mula sa libo-libo, kaunti lang ang makakapasok at yung mga iba naman consider na sila na nuissance candidates o panggulo sa Tagalog. Hindi mawawala sa proseso ang disqualification cases dahil magkapareho ang pangalan at apelyido . Ilan sa mga sinasabi na pang-gulo yung mga nangangarap na payayamanin o babayaran ang utang ng Pilipinas, pagbibigay ng oportunidad ng mga Pinoy ng libre sa ibang bansa, siyempre may mga pa-impress na nakarating na sila ng ibang bansa at yumaman (wala naman sa itsura), yung mga religious type kuno na pauunlarin ang bayan at yung pagpapatupad ng mga tipong liberated na batas sa ating konstitusyon ay plano na magiging legal.

Pangarap kong mag-dancing queen. Halos araw-araw bago mag-eleksyon, halos makabisado ko na ang political ad ni Prospero Pichay. Siya ang nakakuha ng pinakamataas na gastos sa political ads sa mass media. Mahigit milyon o bilyon ang ginastos ni Pichay kasama na ang pechay fan, at si Super Pichay, ang mascot.

PANGARAP KO MAGKAROON NG (what is your wish?)

Pangarap kong tuparin ang iyong pangarap, Prospero Pichay Pro-Pinoy! ITANIM SA SENADO (matutupad kaya ang wish ko?)

Ngunit siyempre, hindi pa rin mawawala ang mga balimbing tuwing eleksyon. Siyempre sina Sotto, Angara at Oreta lumipat from opposition to administration at si John Henry Osmena from opposition to administration balik na naman uli sa oposisyon. Umagaw talaga ng atensyon sa akin ang political ad ni Tessie Oreta kung saan humingi siya ng sorry tungkol sa Dancing Queen Issue.

TESSIE TAPATAN TAYO… BAKIT KA NAGDANCING QUEEN?

Malaki kasi pagkakamali ung nagawa ko. Nasaktan ko kayo. Nadala lang naman ako ng mga nararamdaman ko. Gusto ko humingi ng tawad kasi sa mga pagkakamali doon tayo natuto (umiiyak-iyak pa)

Ayun, kaso hindi pa rin siya pinaniwalaan dahil umiiyak daw siya ng walang luha (sabi!), bumalimbing siya, at siyempre sino ang maniniwala dahil nag-dancing queen siya. I think may talent si Tessie kc magaling siya sumayaw at umarte. Luma na ang mga drama at mga pa-simpatya para makuha ang boto ng masa. HINDI NA YAN EFFECTIVE… naghihirap na nga ang ‘Pinas, puro pa-impress pa!

Sa huli, hindi pa rin nanalo sina Pichay (#16) at Oreta (#23). Nagkataon ngayong eleksyon ay ilan sa mga artistang tumakbo (Cesar Montano, Richard Gomez, Victor Wood) ay hindi pinalad na makapasok kahit isa sa kanila kumpara noong mga nakaraang eleksyon na may isa o dalawang artista ang pasok sa 12. Kahit ang People’s Champ na si Manny Pacquiao ay talo din laban kay Darlene Custodio bilang kongresista sa GenSan.

Ranking ko out of 37. Maganda pa rin ang resulta ng eleksyon. Siyempre kung sino pa rin ang mga kilala sila pa rin ang nasa taas at siyempre kung sino ang hindi pamilyar, ay sorry. Mas marami ang pasok mula sa oposisyon dahil idol ng kabataan si Chiz, may kamay na bakal si Ping, sipag at tiyaga si Villar, at #1 sa public service si Loren.

Ang ibang gimik naman ay tulad ng pangarap ko (Pichay), malangsang isda (Coseteng), dancing queen (Tessie), “Opo Tatay” (Pimentel), Tol (Defensor), pamimigay ng pera sa isang baryo sa Mindanao (Singson) at Boom Tarat-tarat (Zubiri). Madali sila mapansin hindi katulad ng iba. Gaya ng partidong Ang Kapatiran, (Dr.Martin Bautista, Zosimo Paredes at Adrian Sison), hindi sila household names pero matalino at may potential sila as future leaders bcoz may natapos sila at maganda ang plataporma. Eh ang KBL muzta naman? Magaling ang iba (Lozano, Chavez at Orpilla) kaso sabi nga ni Victor Wood “Daanin natin sa kantahan”. Ay kaya sila siguro nasa dulo dahil ilan sa mga kasapi ay mga Marcos loyalist pero palaban at may paninindigan sila. Halos kalahati lang ang nakapasok sa mga top spenders sa top 12 ayon sa survey ng “Pera’t Pulitika”.

Congrats sa mga nagwagi… Sa mahigit 36 na tumakbo para sa senador, 7 ang nakapasok mula sa oposisyon, 3 mula sa administrasyon at 2 mula sa independent parties. Ngunit paano na si Antonio Trillanes III. Nanalo siya pero kumplikado eh. Gagawa siya ng batas habang nakakulong dahil hindi pa natatapos ang kaso niya dahil sa Oakwood Mutiny. Para may suspense, naglaban sina Migz Zubiri (TU) at Koko Pimentel (GO) para sa 12th spot. Panalo pa rin si Zubiri kahit hindi pa nabuksan ang iba pang results sa ibang parte ng Pilipinas. Noong nakumpleto na ang dose, si Villar ang naging Senate President at sinasabi daw na bumalimbing sina Escudero, Cayetano (nakakuha ng Blue Ribbon Committee) at Villar. Congrats din pala sa bagong governor ng Pampanga, si Ed Panlilio, isang pari, Gov. Grace Padaca 4 d second time, at sa lahat ng winners, congrats!!!

Di lahat ng success ay happy. Nakakalungkot isipin na pagkatapos ng eleksyon ay nauuwi sa problema. Mula sa pinaka-maliit na bagay kung saan paano lilinisin yung mga kalat tulad ng posters, tarpaulins, banners, at iba pang gimik na ginamit sa kampanya iiwan na lamang ito at hindi na lamang lilinisin. Hindi rin nawawala na may kumikita sa bilangan… I mean, nagkakabayaran na para sa dagdag-bawas para tumaas ang boto. Minsan, may mga reaksyon din ang mga natatalo at nanalo sa halalan. Meron nga sinasabi “no regrets” pero mayroong deep inside na sama ng loob or sincere talaga siya na sinabi yun. Pwede din na maging friends na lang ang magkalaban o maari minsan na may nagsasampa ng kaso dahil minsan may dayaan na nangyayari. Mas masaklap kung may nagbubuwis ng buhay dahil sa kasakiman para makuha ang kapangyarihang mamuno at hindi matanggap ang pagkatalo. Pero sana ang tanging hiling ko at ng bawat isa ay isang mapayapa at maayos na eleksyon.

Alam ko tapos na ang eleksyon, bakit ko ba ito naisulat. Naisulat ko ito dahil una hindi sa gusto kong mapansin kundi I want to convey my insights and opinions about the previous elections based on my idea and what the other people have said. Pangalawa dahil sa gusto kong sabihin na congrats at gumawa ng mga magagandang plano at proyekto ang mga winners at sa mga losers, accept it and try again next time. At most of all, para sa mga botanteng Pinoy, pansinin nyo naman ang progress ng inyong bayan dahil sa mga mabuting gawain ng mga namumuno sa atin at kung may hindi kayo nakikitang pagbabago at hindi kanais-nais, eh kayo na po ang bahala magsabi at umaksyon. Ang mahalaga ang kinabukasan ng bawat isa at nang buong bansa.

Yun lang po at maraming salamat!

- jonathan =D